جهاد الإخوان ضد سوريا و ارضاء امريكا و جون ماكين بين الإسلام و إسلام سيد قطب و الشيخ اوباما حفظه الله

الإستاد مليان على آخره من الوهابيين و الإخوان و كمان ختمت بمرسي
بس في سؤال  بس عايزين نسأله و بقوة
الناس دي قبل كده ما عملتش مؤتمرات زي دي ليه قبل ما أمريكا تعقد مؤتمر و تنوي انها تسلح الارهابيين في سوريا و كمان مرسي ما حدش يشوفه هناك الا لما خيرت الشاطر يروح امريكا بقاله 5 ايام و يبعتله من هناك انه يعمل كده بعد الصفقة الجديدة مع امريكا و الكيان الصهيوني
الناس دي قبل كده ما حدش شافها قبل اسرائيل ما تقول انها قد تساعد المعارضة السورية
الناس دي عمرنا ما شوفناهم بالصوت العالي ده قبل ما نسمع صوت الطائرات الاسرائيلية بتهاجم دمشق و قالوا اولاد العم بيجاهدوا معانا ضد بشار الكافر
طيب بشار اللي هو كافر , كفر فجأة يعني و لا لو هو كافر زي ما بتقولوا ليه ما فكرتوش تحاربوا الكافر قبل كده لا و الأغرب انهم كانوا بيقولوا انهم هيتآمروا عليك يا بشار
و اللي بيكفروا بشار سيدنا محمد قال للصحابي اللي كفر احد الأشخاص أشققت عن قلبه !!! و في حديث عن سيدنا محمد صلى الله عليه وسلم قال أن رسول الله صلى الله عليه وسلم بينا هو جالس بين ظهراني الناس ، إذ جاءه رجل يستأذنه أن يساره في قتل رجل من المنافقين ، فجهر النبي صلى الله عليه وسلم بكلامه ، فقال : " أليس يشهد أن لا إله إلا الله ؟ " ، قال : بلى ، يا رسول الله ، ولا شهادة له ، قال : " أليس يشهد أني رسول الله ؟ " ، قال : بلى ، يا رسول الله ، ولا شهادة له . قال : " أليس يصلي ؟ " ، قال : بلى ، ولا صلاة له . قال : " أولئك الذين نهيت عن قتلهم " .
دا كلام بشار عن دينه و عن الاسلام و هو قال اللي المفروض كلنا نعمله و اللي ما يرضيش الوهابيين و الاخوان و لا الشيعة كمان و بالرجوع للاسلام و السنة الصحيحة ليس من شأني أن أتدخل في ما يبطنه لأن الأخذ بالظن هو فعل الخوارج كلاب النار  و قوله ده يبطل أي قول بتكفيره حسب ما ورد من كلام سيدنا محمد صلى الله عليه وسلم مش كلام محمد بن عبدالوهاب و سيد قطب 

و آدي القرضاوي دجال العصر و هو بيقول كده بنفسه انك يا بشار هيتآمروا عليك 

و آدي العريفي اللي داير بعد ما أمريكا و الكيان الصهيوني أصدر أوامره بنفسه هو كمان بيمدح في النظام السوري 

و بعد ما أمريكا قررت دعم كل الاخوان و الوهابية اللي بتلحس رجل امريكا عشان الحكم و انهم مستعدين يضحوا بكل غالي و رخيص و من أجل الاسلام الحقيقي اللي عرفناه في القرآن و السنة الصحيحة اتغير كلامهم بل للأسف يخرج علينا الدجال القرضاوي و يقول ان امريكا بتجاهد في سبيل الله في سوريا و نعدكم بحفظ أمن اسرائيل 

الحكاية بمنتهى البساطة هي تكرار سيناريو أفغانستان النظام السوري رفض الركوع لامريكا فقررت امريكا تعمل معاه نفس اللي عملته مع النظام الافغاني في الثمانينات و قررت انها تستعين بجنود المخابرات الأمريكية المطيعين الفرع الاسلامي و انها تكفر الحاكم عشان توصل للي هي عايزاه
امريكا لقت ضالتها في النظام الاخواني و النظام الوهابي المتمثل في آل سعود إنهم بيقدموا تنازلات بدون أي ضمانات و بدون اي مقابل و تمكينهم بمنتهى البساطة من الوصول لحلم اسرائيل المنشود بعد سقوط آخر نظام ضدهم في المنظقة و آخر نظام بيمثل فكر عبدالناصر المقاومة
احنا عايزين شيوخ الاستاد دي تكون قدوة بجد
عايزينهم يركبوا اول طيارة رايحة تركيا و يحملوا السلاح بنفسهم ما يعملوش زي أحد دعاة الفتن السعودييين لما ابنه يحارب في الشيشان بقه يبوس رجل السفير الروسي عشان يرجعوا ابنه و رجعوه ليه و كان شغال على المنبر دعوات للجهاد و لما ابنه رجع كمل في نفس الكلام و لو انه كان جهاد حقيقي التاني ضد الروس في قتلهم للشيشان مش جهاد الاخوان و الوهابية قتل المسلمين لبعضهم البعض
ابعتوا عيالكم لو فعلا عايزين مصلحة الأمة عايزين ابن محمد حسان اللي راكب مرسيدس ب 3 مليون
تقدروا بجد ؟؟؟؟
نقدر نقول انكم عايزين خير للامة لو عملتوها مش كلاب امريكا و هنتأسف ليكم و هنروح معاكم كمان ساعتها
لكن عايزينا احنا نروح و تقعدوا يبقى مالناش في شغل العيال و ورونا الرجولة بجد 

اما ان كنتم تريدون ان تعرفواماذا يقول الاسلام في هؤلاء الدعاة و الدجالين استمعوا هذا 

خاص بأدمن اكس وعي كوم حمادة نتمنى منكم المشاركة من أسفل و الإعجاب 

-->